Jajepy'amongeta haguã.

21- Jasykôi

Ko arype ojegueromandu'a “Día Internacional de la Lengua Materna”, 21 jasykõi jave, péva ary 2000 guive; ko ary 2008 katu omoñepyrû “Ary Internacional Ñe'ê reheguáva”. Ko arype oñemopyenda Asamblea General de Naciones Unidas, ohenóiva Unesco ha'e omotenonde umi tembiapo ko ary reheguáva ñe'êre.
“Marandu oñemoherakuãva ojegueroandu'avo “Día Internacional de la Lengua Materna”, Sambyhyhára General Unesco-gua, Koichiro Matsuura, he'i: “Mombyry ámbito reservado omopyendáva umi tekove arandu ko'ã mba'épe, ñe'ê ha'e pe karaku opáichagua tavaygua rekovépe ha ikuaandýpe. Kóva he'íse Unesco ombohero ko arype ambue ñe'ême “Ary Internacional opavave ñe'ê reheguáva umi oñemombe'úva”. Ko'ã ñe'ê, ha'éva peteî mba'e oñeikotevêva identidad población ha yvypóra orekóva, ndaipóri jojápe. Péicha, oñeha'ãrõ umi ñe'ê oñemombytéva ha ohóva 6.700 ojeporúva planeta pukukue ikatúva okañy mbeguekatu ohóvo. Ko'ãgã, ogue pya'eterei: haimete cada 15 día peteî ndojeporuvéi oñeñe'êvo. Péicha avei, umi karai térã kuñakarai iñarandúva ohesa'ÿijóvo ko'ã mba'e oestimá 96% umi ñe'ê ojeguerekóva ndojeporúi ni noñe'êi 4% población mundial. Ko arýpe, upe día Internacional oñemopyenda mba'éichapa ojeporu ha oñeñangarekóta ko'ã instrumento normativo internacional imandu'áva plurilingüismo rehe. Péicha 21 jasykõime, oñembyaty hikuái Unesco róga guasúpe, peteî Seminario ko'ã mba'e ohesa'yijóvape ha omotenondéva oñondive Organización ha Consejo de Europa. Ko'ã participante ohesa'ÿijo techapyrãme, upe Kuatiañe'ê Europea umi ñe'ê Regional térã Minoritaria rehe ha omotenonde Convención ikatu haguã osalvaguarda Patrimonio Cultural Inmaterial de 2003. Péicha oñemotenondéta peteî debate política lingüística aplicada rehe continente africano-pe, upéicha oime Hungría ha Paraguái.Upéicha rupi ambue arapokõindy ohasávape oñemotenonde kuri peteî aty guasu ojegueromandu'ávo 21 de febrero Día Internacional de la Lengua Materna omohenda ha omomba'eguasúvo mba'épa upe “Diversidad lingüística ha omokyre'ÿva umi ñe'ê ypykuéra oiporuva'ekue”.