Salvador Cabañas

Mariscal de campo, el numero diez

Jehero oîva nderehe ho`a

Salvador Cabañas, estamos a tus pies

Paraguay ra`ýva nderehe Omaña.

Un lunes veinticinco de enero

Ikuâcha`î nderehe umi aña ra`y

Por que eres un hombre sincero

Hi`âgui chupekuéra yvy`ári resapy.

Todo esto sirvio para un echo

Tetâgua nderayhúva opáy, osapukái

Para que sepa el mundo entero

Mborayhu ha jepoyhu nderehe ndopái.

Más que un león de raza paraguaya

Nde retére opoñy tuguy guarani

Elevamos nuestras plegarias de todas layas

Nembareté ha ñeha`âre âva vyrorei

Hoy nos resta pedir al Todopoderoso

Tanderovasa ha tome`ê ndéve mbarete

Y la Virgen de Caacupe con su poder milagroso

Tareimejey ore apytépe tapiaite.

Oscar Teodoro Martinez Campuzano 

27-01-2010

Tataypy

Neike ne mitâ

Reju jajepe`e

Emboja nde apyka

Anindeke nderovere

Ehatapyñái jepe`a

Cháke oguepa

Jepe kupa`y rakâ

Emoingove ñande rata

Reitykua ka`ay

Jaipyte pohâ aku

Ani oguapy ro`y

Topi akanundu.

Hatatîrô tata`y

Ejerova reipeju

Cháke opi yvytu

Katuete okakáne yryvu.

Hakúma ñandyry

Ja`úta mandi`o chyryry

Hi`ári tupi`a, kesúpe tahaju

Ikatuverô chicharô tomoirû.

Pye`éke ne mitâ

Hovasýma ñande rata

Che pymakatu hatâ

Jaháma ñamboguy chara.

13- 06- 2009

Mbocayaty del Yhaguy

Che ahôvo nderehe che táva porâite

Hi`â aikuaauka opaitépe osêva ichugui

Jarekóke ñane apytu`û ha ñe`âkuaitépe

Kyre`ŷ, mba`apose, ha jeikoporâ opaitendi katui.

Anike oî tesaráipe tapichakuéra amyryî

Ha`ekuéra rupive heñói Paraíso Ñemimby

Karai ha kuñakarai ndaijoháiva heta mba`e omomýi

Hapykuerépe jahecha ñandekuéra imemby.

22 de diciembe ha`e ku ára ñamomorâva

Mandu`ávo opytáva ne sâso ha repoñy

Santa Elena ko nde ypy, ha`e nemoreñóiva

Niño Salvador upe guive, ha`e tuichavéva ñande ru.

1º de enero oĝuahê, sako`íma osununu

Opaguioma ojeju, mba`eguipio aniche

Niño Salvador ñanerenói, kampánama ipu

Tupâ korapýre lo mitâ techaga`u ombogue.

27-04-2009

Che Mborayhu jára

Lorena nde réra

Mbayhu yvu che rekove sâ

Rembohorýva che páy ha che kéra

kunu`û ha tory nderehe iñapesâ.

Peteî ára resê che rapépe

Tupâ oipotágui péicha oiko

Pévako oîma ijehaipyrépe

Ndaipori mba`´repa ñambotovévo.

Kuña resa rory mburukuja poty

Rehesapéva che raperâ

Péicha ñaikundaháne mombyry

Ojopóre kôinguemicha hetáre mba`aporâ.

Tove maymaite tohecha

Mba`éichapa jaikoporâ

Kunu`ûpópe ñambohasa

Umi avo`ói hypýva jajapyhara.

Aĝa oĝuahêne peteî ko`ê

Ñamañávo ñande rapykuerére

Ha upépe ja`éne torypópe

Péina ñamohu`â Tupâ jehaipyre.

03-02-2009

Mbo`ekuaahára Rapére

Es largo el camino recorrido
Kuaapy rekávo aikundaha
Por interés al guaraní querido
Aĝuahêvo hu`âme che ñe`ê aipyaha.

Ateneo nuestra residencia
Guaranietéva oñembyatyha
Estirpe de conocimientos y sapiencia
Anicheva`erâ tesaráipe opyta.

Hombres y mujeres con espíritu altruistas
Iñarandu hypýva ndehegui osê
Al forjar los rumbos nacionalistas
Ñande avañe`ê kuarahy ndive iñapysê.

A mis profesores les digo
Aguyjetaite pende jesape`áre
Y que el futuro les traiga consigo
Tesâi, po`a, jekupyty vy`áre.

Nicolás Arrúa, gran señor
Paraguay ra`y, Kuimba`e porâ
De nuestra cultura gran conocedor
Nde réra opytáma maymaite mandu`arâ.

De la tierra colorada surgió este hombre,
Dionisio Fleitas, karia`y katupyry,
Ni el peor huracán ha de torcer su nombre
Mba`éiko aniche kuaapy pavê chupe ojapyhy.

Gracias te damos por tu afán y perseverancia
Ñande Ateneo myakâhára, Cesar Silva lampinoite,
Por surcar nuestros horizontes con mucha paciencia,
Tupâmante tanderovasa, akóinte tandepo`aite.

Y que por siempre el guaraní florezca,
Ka`a porâicha taherakuâ mombyry,
Los compañeros serán quienes merezcan,
Tembiaporâ ñande po rupi tosyryry.

20-10-2010

Mbo`ekuaahára Oscar Teodoro Martinez

Prueba Superada

Defensa de tesis 16/01/2010